Breaking News travel జిల్లా వార్తలు తెలంగాణ హైదరాబాద్

TSRTC : ఆ రెండు రోజుల్లో ప్రయాణించే మహిళా ప్రయాణికులకు టి ఎస్ ఆర్ టి సి శుభవార్త.. రూ. 5.5 0 లక్షల బహుమతులు..!

ManaSakshi August 30, 2023

మన సాక్షి , వెబ్ డెస్క్ :

మహిళ ప్రయాణికులకు తెలంగాణ ఆర్టీసీ శుభవార్త తెలియజేసింది. రాఖీ పౌర్ణమి సందర్భంగా ప్రయాణించే మహిళలకు తెలంగాణ ఆర్టీసీ గుడ్ న్యూస్ చెప్పింది. ఆడపడుచుల కోసం ఆర్టీసీ లక్కీ డ్రా నిర్వహించాలని నిర్ణయించింది.

ఈ డ్రా లో గెలుపొందిన మహిళలకు రూ 5.50 లక్షల విలువైన బహుమతులు అందించనున్నారు . ప్రతి ఆర్టీసీ రీజియన్ పరిధిలో ముగ్గురి మహిళల చొప్పున మొత్తం 33 మంది మహిళలకు బహుమతులు ఇవ్వనున్నారు. ఈనెల 30, 31 తేదీల్లో తెలంగాణ ఆర్టీసీ బస్సుల్లో ప్రయాణించే మహిళలందరూ ఈ లక్కీ డ్రా లో పాల్గొనే అవకాశం కల్పించారు.

ప్రయాణ సమయంలో తీసుకునే టికెట్ వెనకాల పేరు, వారి ఫోన్ నెంబర్ రాసి బస్టాండ్లలో ఏర్పాటుచేసిన బాక్స్ లలో వేయాల్సి ఉంటుంది. ప్రతి రీజియన్ పరిధిలో లక్కీ డ్రా నిర్వహించి ముగ్గురు చొప్పున విజేతలను ప్రకటించి బహుమతులను అందజేయనున్నారు. ఈ బహుమతులను ముఖ్యఅతిథిగా చేతుల మీదుగా మహిళలకు నేరుగా అందజేస్తారు.

MOST READ :

మహిళలకు రాఖీ పౌర్ణమి ఎంతో ప్రత్యేకమైనదిగా చెప్పవచ్చును. అత్యంత పవిత్రంగా జరుపుకునే ఈ పండుగ సుదూర ప్రాంతాలలో ఉన్న సోదరులకు రాఖీ కట్టేందుకు ఆర్టీసీ బస్సులను బస్సులలో ప్రయాణించాలని అధికారులు కోరుతున్నారు. ఆర్టీసీ బస్సులలో ప్రయాణించే మహిళలకు ఈ లక్కీ డ్రా ఏర్పాటు చేశారు .

గెలుపొందిన వారికి సెప్టెంబర్ తొమ్మిదవ తేదీలోగా లక్కీ డ్రా లు నిర్వహించి విజేతలకు బహుమతులు అందజేయనున్నట్లు తెలంగాణ ఆర్టీసీ చైర్మన్ ఎమ్మెల్యే బాజిరెడ్డి గోవర్ధన్ , ఆర్టీసీ సంస్థ ఎండి సజ్జనల్ తెలిపారు. రాఖీ పౌర్ణమి లక్కీ డ్రాకు సంబంధించిన పూర్తి వివరాలకు తెలంగాణ ఆర్టీసీ కాల్ సెంటర్ నెంబర్లు 040 – 6944 0000, 040 – 2345 00 33 సంప్రదించాలని సూచించారు.

ALSO READ :

Tags:

Our YouTube Channel