ప్రపంచ మేధో సంపత్తి దినోత్సవం 2026.. డిజిటల్ సృష్టికి ‘బ్లాక్‌చైన్’ భద్రతా కవచం..

హైదరాబాద్: సృజనాత్మకతకు పట్టం కట్టే ప్రపంచ మేధో సంపత్తి దినోత్సవం (World IP Day 2026) ఏప్రిల్ 26న జరగనుంది. నేటి ఆధునిక యుగంలో ఆర్టిఫిషియల్ ఇంటెలిజెన్స్ (AI), గేమింగ్, డిజైన్ పబ్లిషింగ్ రంగాల్లో డిజిటల్ కంటెంట్ సృష్టి మునుపెన్నడూ లేనంత వేగంగా విస్తరిస్తోంది. ఈ క్రమంలో, కంటెంట్ సృష్టికర్తల హక్కులను కాపాడటంలో బ్లాక్‌చైన్ సాంకేతికత అత్యంత కీలకమైన మౌలిక సదుపాయంగా అవతరిస్తోంది. ఇది కేవలం ఆర్థిక లావాదేవీలకే పరిమితం కాకుండా, ఒక కంటెంట్ యొక్క వాస్తవికతను (Originality) ధృవీకరించడంలో దీర్ఘకాలిక యాజమాన్య హక్కులను భద్రపరచడంలో విప్లవాత్మక మార్పులు తెస్తోంది.

డిజిటల్ యుగంలో సవాళ్లు – బ్లాక్‌చైన్ పరిష్కారాలు ప్రస్తుతం యూట్యూబ్‌లో ప్రతి నిమిషానికి 500 గంటల కంటే ఎక్కువ నిడివి గల వీడియోలు అప్‌లోడ్ అవుతున్నాయి. ప్రపంచవ్యాప్తంగా ఏటా 3.5 మిలియన్ల పేటెంట్ దరఖాస్తులు, 15 మిలియన్ల ట్రేడ్‌మార్క్ దరఖాస్తులు నమోదవుతున్నాయి. ఇంత భారీ స్థాయిలో కంటెంట్ సృష్టించబడుతున్నప్పుడు, దానిని కాపీ చేయడం కూడా అంతే సులభంగా మారింది. దీనివల్ల అసలు సృష్టికర్త ఎవరో గుర్తించడం కష్టతరమవుతోంది. ఈ సవాలును బ్లాక్‌చైన్ సాంకేతికత సమర్థవంతంగా ఎదుర్కొంటుంది. ఒకసారి డిజిటల్ ఆస్తి బ్లాక్‌చైన్‌లోకి చేరితే, దాని తయారీ సమయం చరిత్రను మార్చడం అసాధ్యం. ఎథేరియం వంటి నెట్‌వర్క్‌లు ఇప్పటికే 200 కోట్లకు పైగా లావాదేవీలను నిర్వహించి తమ విశ్వసనీయతను నిరూపించుకున్నాయి.

క్రియేటర్ ఎకానమీ రాయల్టీల విప్లవం ప్రపంచ క్రియేటర్ ఎకానమీ విలువ ప్రస్తుతం 250 బిలియన్ డాలర్లుగా ఉంది, ఇది 2027 నాటికి 480 బిలియన్ డాలర్లకు చేరుతుందని అంచనా. జియోటస్ సీఈఓ విక్రమ్ సుబ్బురాజ్ తెలిపిన వివరాల ప్రకారం, ఏఐ సెకన్లలో కంటెంట్‌ను కాపీ చేయగలిగే ఈ కాలంలో, వివాదాలు రాకముందే క్రియేటర్లకు తమ హక్కులను నిరూపించుకునే సాక్ష్యం అవసరం. అలాగే, సంప్రదాయ రాయల్టీ సెటిల్మెంట్లకు 6 నుండి 18 నెలల సమయం పడితే, బ్లాక్‌చైన్ స్మార్ట్ కాంట్రాక్టుల ద్వారా కొన్ని నిమిషాల్లోనే చెల్లింపులు పూర్తవుతాయి. 2026 నాటికి భారత ఇన్‌ఫ్లుయెన్సర్ మార్కెటింగ్ పరిశ్రమ రూ. 3,500 కోట్లకు చేరుకోనున్న నేపథ్యంలో, 80 మిలియన్లకు పైగా ఉన్న భారతీయ క్రియేటర్లకు బ్లాక్‌చైన్ ఆధారిత ఐపీ రక్షణ ఒక వరంగా మారనుంది.

Tags:

Blockchain Technology Creator Economy Digital Content Ownership Digital Economy Giottus Vikram Subburaj Influencer Marketing India. Intellectual Property Rights IP Protection Smart Contracts World IP Day 2026

Our YouTube Channel