జెనెంటెక్‌తో ఒప్పందం.. ‘పెబ్రిల్జో’ బయోసిమిలర్ గ్లోబల్ లాంచ్ తేదీలను ఖరారు చేసిన బయోకాన్!
ప్రముఖ బయోటెక్నాలజీ దిగ్గజం బయోకాన్ లిమిటెడ్, జెనెంటెక్‌తో కుదుర్చుకున్న గ్లోబల్ పేటెంట్ సెటిల్‌మెంట్ , లైసెన్స్ ఒప్పందం ద్వారా తన 'పెబ్రిల్జో' (Pebrilzo) బయోసిమిలర్‌ను మార్కెట్లోకి త్వరగా విడుదల చేసేందుకు మార్గం సుగమం చేసుకుంది.
ప్రముఖ బయోటెక్నాలజీ దిగ్గజం బయోకాన్ లిమిటెడ్, జెనెంటెక్‌తో కుదుర్చుకున్న గ్లోబల్ పేటెంట్ సెటిల్‌మెంట్ , లైసెన్స్ ఒప్పందం ద్వారా తన ‘పెబ్రిల్జో’ (Pebrilzo) బయోసిమిలర్‌ను మార్కెట్లోకి త్వరగా విడుదల చేసేందుకు మార్గం సుగమం చేసుకుంది. బ్రెస్ట్ కేన్సర్ చికిత్సలో కీలకమైన ‘పెర్జెటా’ (Pertuzumab)కు బయోసిమిలర్‌గా తయారైన పెబ్రిల్జో లాంచ్ విషయమై అమెరికా, కెనడా వంటి కీలక ప్రాంతాల్లో రెండు కంపెనీల మధ్య ఉన్న అన్ని న్యాయపరమైన వివాదాలు ఈ ఒప్పందంతో పరిష్కారమయ్యాయి.
ఈ ఒప్పందం ప్రకారం, 2027 మొదటి త్రైమాసికంలో యూరోపియన్ యూనియన్ , యునైటెడ్ కింగ్‌డమ్‌లో, అలాగే 2028 మూడవ త్రైమాసికంలో అమెరికాలో పెబ్రిల్జోను లాంచ్ చేయడానికి అనుమతి లభించింది. అంతేకాకుండా, ప్రపంచంలోని ఇతర ప్రాంతాల్లో 2026 నుంచి 2028 మధ్య ఈ ఉత్పత్తిని దశలవారీగా విడుదల చేసేందుకు వెసులుబాటు కల్పించబడింది. హెచ్‌ఈఆర్‌2 (HER2) పాజిటివ్ బ్రెస్ట్ కేన్సర్ చికిత్సలో అత్యంత ప్రభావవంతంగా పనిచేసే ఈ ఔషధం ద్వారా కేన్సర్ రోగులకు మెరుగైన వైద్యం త్వరలోనే అందుబాటులోకి రానుంది. కాగా, అన్ని ప్రాంతాల్లోని తుది విడుదల ఆయా దేశాల రెగ్యులేటరీ ఆమోదాలపై ఆధారపడి ఉంటుందని బయోకాన్ స్పష్టం చేసింది.
Our YouTube Channel
