TCS: టీసీఎస్ ఘనత.. ప్రపంచంలోని టాప్-50 బ్రాండ్స్‌లో ఒకటిగా గుర్తింపు..!

TCS: టీసీఎస్ ఘనత.. ప్రపంచంలోని టాప్-50 బ్రాండ్స్‌లో ఒకటిగా గుర్తింపు..!

ముంబయి, మన సాక్షి:

టీసీఎస్ మరో ఘనత సొంతం చేసుకుంది. కాంటార్ బ్రాండ్‌జెడ్ జాబితాలో టీసీఎస్ టాప్-50 బ్రాండ్స్‌లో చోటు దక్కించుకుంది. ఏడాదికేడాది 28% వృద్ధితో 57.3 బిలియన్ డాలర్ల బ్రాండ్ విలువను సొంతం చేసుకుంది. నిలకడగా సాగుతున్న మార్కెటింగ్, కమ్యూనికేషన్ కార్యక్రమాలతో టీసీఎస్ గ్లోబల్ బ్రాండ్ గుర్తింపు, ఆదరణ, విశ్వసనీయత గణనీయంగా పెరిగాయి. మొమెంటమ్-ఐటీఎస్‌ఎంఏ నిర్వహించిన స్వతంత్ర బ్రాండ్ ఆడిట్‌లో ప్రపంచవ్యాప్తంగా 95% మంది బిజినెస్ ఎగ్జిక్యూటివ్‌లు టీసీఎస్ బ్రాండ్‌ను గుర్తించారని తేలింది.

2010లో ఇదే ఆడిట్‌లో ఈ సంఖ్య 29%గా ఉండటం విశేషం. ఈ సందర్భంగా కాంటార్ బ్రాండ్‌జెడ్ హెడ్ మార్టిన్ గెర్రిరియా మాట్లాడుతూ.. సరైన పెట్టుబడి, వ్యూహాత్మక దృష్టితో బ్రాండ్‌లు తమ యజమానులకు భారీ వృద్ధిని అందించగలవని అన్నారు. టీసీఎస్ ఈ ఏడాది చూపిన పనితీరు, తమ పోర్ట్‌ఫోలియోలో ఏఐ సామర్థ్యాలను విస్తృతంగా వినియోగించగలగడం దీనికి నిదర్శనమని ఆయన తెలిపారు. టీసీఎస్ చేపడుతున్న వ్యూహాత్మక స్పాన్సర్‌షిప్ కార్యక్రమాలు ప్రపంచవ్యాప్తంగా బ్రాండ్‌కు బలమైన గుర్తింపును, కమ్యూనిటీని ఏర్పరుస్తున్నాయని ఆయన కొనియాడారు.

టీసీఎస్ చీఫ్ మార్కెటింగ్ ఆఫీసర్ అభినవ్ కుమార్ మాట్లాడుతూ.. 20 ఏళ్లుగా ప్రపంచంలోని అత్యంత విలువైన బ్రాండ్‌లను కాంటార్ బ్రాండ్‌జెడ్ గుర్తిస్తోందని, ఈ ప్రత్యేక వార్షికోత్సవ ఎడిషన్‌కు అభినందనలు తెలిపారు. తమ పరిశ్రమలో బ్రాండ్ లీడర్‌షిప్‌తో పాటు, వివిధ రంగాలలోని ప్రపంచంలోని అత్యంత ప్రఖ్యాత బ్రాండ్‌లలో టీసీఎస్ స్థానం పొందడం చాలా సంతోషంగా ఉందన్నారు.

ఈ బ్రాండ్ విలువ, గుర్తింపు, విశ్వసనీయత వృద్ధి అనేది దీర్ఘకాలిక మార్కెటింగ్, కమ్యూనికేషన్ కార్యక్రమాల ఫలితమని ఆయన పేర్కొన్నారు. బ్రాండ్‌ను నిర్మించడం ఒక మారథాన్‌లాంటిదని, అయితే టీసీఎస్‌లోని తన సహోద్యోగులందరూ ఈ సుదీర్ఘ ప్రయాణాన్ని ఎంతో వేగంగా పూర్తి చేస్తున్నారని ఆయన ప్రశంసించారు. 2025లో, వైట్‌లేన్ రీసెర్చ్ ద్వారా యూరప్‌లో కస్టమర్ సంతృప్తికి టీసీఎస్ నంబర్ 1 ఐటీ సేవల సంస్థగా నిలిచింది.

టాప్ ఎంప్లాయర్స్ ఇన్‌స్టిట్యూట్ ద్వారా ఉత్తర అమెరికా, ఆసియా పసిఫిక్, మధ్యప్రాచ్యం, లాటిన్ అమెరికా సహా 30కి పైగా దేశాలు మరియు ప్రాంతాలలో గ్లోబల్ టాప్ ఎంప్లాయర్‌గా పేరు పొందింది. అంతకుముందు, కాంటార్ బ్రాండ్‌జెడ్ మోస్ట్ విలువైన ఇండియన్ బ్రాండ్స్ 2024 ర్యాంకింగ్స్‌లో టీసీఎస్ వరుసగా మూడో ఏడాది ఒకటో స్థానాన్ని నిలబెట్టుకుంది.

MOST READ : 

1. Gold Price : బంగారం ధర డమాల్.. ఒకే రోజు రూ.21,300 తగ్గింది.. ఈ రోజు ఎంతంటే..!

2. Hyderabad : మణికొండ మున్సిపాలిటీలో హైడ్రా కమిషనర్ పర్యటన..!

3. Fake PassPort ; నకిలీ పాస్ పోర్టులతో విదేశి ప్రయాణానికి యత్నం.. పోలీసుల అదుపులో ఐదుగురు..!

4. District collector : ఉద్యోగ భవిష్యత్తుగా భవిత కేంద్రాలు.. జిల్లా కలెక్టర్ ఇలా త్రిపాఠి..!

5. Hyderabad : చిత్రపురి కాలనీ ల్యాండ్ మార్క్.. 40 నెలల్లోనే ప్రాజెక్టు పూర్తి..!

Tags:

BREAKING NEWS Business News TCS Telugu news

Our YouTube Channel