Eggs : గుడ్లు పాడైన విషయం తెలుసుకోండిలా.. నిల్వ చేయడం ఎలా..!

Eggs : గుడ్లు పాడైన విషయం తెలుసుకోండిలా.. నిల్వ చేయడం ఎలా..!

మన సాక్షి:

చాలామంది ఒకేసారి డజన్ల కొద్దీ గుడ్లు కొనుగోలు చేస్తుంటారు. దీనికి రెండు ప్రధాన కారణాలు ఉండవచ్చు. ఒకటి.. గుడ్లు చౌకగా లభిస్తాయని, రెండు.. మార్కెట్‌కు మళ్లీ మళ్లీ వెళ్లాల్సిన అవసరం తప్పుతుంది. ఈ ఆలోచన బాగానే ఉన్నా, ఎక్కువ రోజులు నిల్వ ఉంచడం వల్ల కొన్నిసార్లు గుడ్లు చెడిపోతాయి.

వాటిని సరిగ్గా నిల్వ చేయకపోవడమే దీనికి ప్రధాన కారణం. పాడైపోయిన గుడ్లను తినడం ఆరోగ్యానికి మంచిది కాదని ఆరోగ్య నిపుణులు హెచ్చరిస్తున్నారు. ఈ కథనంలో, ఫ్రిజ్‌లో గుడ్లు ఎంతకాలం నిల్వ ఉంచవచ్చు, అలాగే పాడైపోయిన గుడ్లను ఎలా గుర్తించవచ్చు తెలుసుకుందాం.

గుడ్లలోని పోషకాలు

ఆరోగ్యం కోసం రోజుకు కనీసం ఒక గుడ్డైనా తీసుకోవాలని ఆరోగ్య నిపుణులు సూచిస్తుంటారు. గుడ్లలో ప్రోటీన్లు, శరీరానికి అవసరమైన అమైనో ఆమ్లాలు, బి కాంప్లెక్స్ విటమిన్లు పుష్కలంగా ఉంటాయి. అందుకే గుడ్డు శరీరానికి మల్టీ విటమిన్‌గా పనిచేస్తుంది. రోగ నిరోధక శక్తిని పెంచడానికి కూడా గుడ్లు దోహదపడతాయి. పెద్దలతో పాటు పిల్లలు కూడా వీటిని ఇష్టంగా తింటారు.

గుడ్లను ఫ్రిజ్‌లో ఎంతకాలం నిల్వ చేయాలి?

ఫ్రిజ్‌లో: సుమారు నెల రోజుల పాటు గుడ్లను ఫ్రిజ్‌లో నిల్వ ఉంచవచ్చు.

బయట: సాధారణ ఉష్ణోగ్రత వద్ద అయితే ఒక వారం పాటు మాత్రమే మంచిగా ఉంటాయి. అంతకు మించి నిల్వ ఉంచితే మాత్రం గుడ్లు పాడైపోతాయి.

పాడైపోయిన గుడ్లను ఎలా గుర్తించాలి?

పాడైపోయిన గుడ్లను గుర్తించడానికి కొన్ని సులభమైన పద్ధతులు ఉన్నాయి:

వాసన చూడటం: ఒక పాత్రలో గుడ్డును పగలగొట్టి వాసన చూడండి. సాధారణ వాసనకు భిన్నంగా చెడు వాసన వస్తున్నట్లయితే, ఆ గుడ్డు పాడైపోయినట్లే.

నీటిలో ముంచడం (ఫ్లోట్ టెస్ట్): చాలా రోజుల పాటు నిల్వ ఉంచిన గుడ్లు మంచిగా ఉన్నాయో లేదో తెలుసుకోవడానికి ఈ చిట్కాను పాటించవచ్చు.

ఒక పాత్రలో నీటిని తీసుకుని అందులో గుడ్డును ముంచండి.

గుడ్డు నీటిలో మునిగినట్లయితే, అది మంచిగా ఉన్నట్లే.

ఒకవేళ గుడ్డు నీటిలో తేలితే, అది పాడైపోయినట్లేనని అర్థం చేసుకోవాలి.

అదేవిధంగా, గుడ్డు నీటిలో నిటారుగా నిలబడినా అది చెడిపోయినట్లే. గుడ్డు పాతబడే కొద్దీ దానిలోని గాలి గది పెద్దదై, నీటిలో తేలే గుణాన్ని ఇస్తుంది.

గుడ్డును షేక్ చేయడం: గుడ్డు చెడిపోయిందో లేదో గుర్తించడానికి మరొక పద్ధతి.

గుడ్డును చెవి దగ్గర ఉంచుకుని నెమ్మదిగా ఊపండి (షేక్ చేయండి).

సాధారణంగా కాకుండా గుడ్డు నుంచి శబ్దాలు వస్తుంటే, అది పాడైపోయినట్లేనని గ్రహించాలి. దీనికి కారణం గుడ్డులోని పచ్చసొన, తెల్లసొన పలచబడి కదలడం.

గుడ్లలో ప్రోటీన్లు, కాల్షియం పుష్కలంగా ఉన్నప్పటికీ, చెడిపోయిన గుడ్లను తీసుకుంటే మాత్రం అనారోగ్య సమస్యలు తప్పవు. కాబట్టి, పైన చెప్పిన పద్ధతులను ఉపయోగించి గుడ్లు తాజాగా ఉన్నాయో లేదో నిర్ధారించుకోవడం ముఖ్యం.

By : Santhosh, Hyderabad 

ఈ వార్తలు కూడా చదవండి

1. UPI : ఫోన్ పే, గూగుల్ పే లో బ్యాలెన్స్ చెక్ చేస్తున్నారా.. అయితే ఇది తెలుసుకోవాల్సిందే..!

2. Suryapet : ముఖ్యమంత్రి బహిరంగ సభ.. వాహనాల పార్కింగ్ ప్రదేశాలు ఇవే..!

3. Power Cut : నేడు ఆ ప్రాంతంలో విద్యుత్ కోత.. ఉదయం 9 గంటల నుంచే..!

4. DMart : డి మార్ట్ లో వారానికి ఆ రెండు రోజులు బంపర్ ఆఫర్స్.. సగం కంటే తక్కువ ధరలకే..!

5. Cyber : పీఎం కిసాన్ యోజన, ఎస్బిఐ రివార్డ్.. పేరుతో సైబర్ మోసాలు.. మెసేజ్ వస్తే ఎలా.. తెలుసుకుందాం..!

Tags:

BREAKING NEWS Eggs Foods Hyderabad Telugu news

Our YouTube Channel