FY Results : రిలయన్స్ నిప్పన్ లైఫ్ ఇన్సూరెన్స్.. లాభాల్లో వృద్ధి, స్థిరమైన ఆర్థిక ప్రదర్శన..!

FY Results : రిలయన్స్ నిప్పన్ లైఫ్ ఇన్సూరెన్స్.. లాభాల్లో వృద్ధి, స్థిరమైన ఆర్థిక ప్రదర్శన..!

ముంబై:

రిలయన్స్ నిప్పన్ లైఫ్ ఇన్సూరెన్స్ కంపెనీ (ఆర్ఎన్ఎల్ఐసీ) గత ఆర్థిక సంవత్సరం (2024-25)లోనూ నిలకడగా రాణించింది. వినియోగదారులే ముఖ్యమని భావించడంతో అన్ని విభాగాల్లోనూ చక్కటి ఫలితాలు నమోదు చేసింది. పన్నులకు ముందు లాభం చెప్పుకోదగ్గ స్థాయిలో 25 శాతం పెరిగి రూ. 247 కోట్లకు చేరుకుంది. అంతకుముందు ఏడాది ఈ మొత్తం రూ. 198 కోట్లుగా ఉంది.

కంపెనీ నిర్వహిస్తున్న ఆస్తుల విలువ కూడా 9 శాతం పెరిగి రూ. 38,725 కోట్లకు చేరుకుంది. కొత్త పాలసీల ద్వారా ప్రీమియంల రూపంలో రూ. 1,245 కోట్లు ఆర్జించగా, మొత్తం ప్రీమియం ఆదాయం రూ. 5,711 కోట్లుగా నమోదైంది. కంపెనీ ఆర్థిక పరిస్థితి బలంగా ఉండటంతో పాటు పెట్టుబడులను సురక్షితంగా నిర్వహిస్తోంది. నియంత్రణ సంస్థ నిర్దేశించిన దానికంటే ఎంతో మెరుగ్గా సాల్వెన్సీ నిష్పత్తి 235 శాతంగా ఉంది.

వినియోగదారులకు సేవ చేయడంలో ఆర్ఎన్ఎల్ఐసీ ముందుందని మరోసారి రుజువైంది. క్లెయిమ్ సెటిల్మెంట్ నిష్పత్తి 98.9 శాతంగా నమోదైంది. గత ఆర్థిక సంవత్సరంలో దాదాపు 5.4 లక్షల మంది ఖాతాదారులకు రూ. 3,523 కోట్ల ప్రయోజనాలను అందించింది. ఇది అంతకుముందు సంవత్సరం కంటే 8 శాతం అధికం. పాలసీదారులు తమ పాలసీలను కొనసాగించడంలోనూ మంచి స్థిరత్వం కనబరిచారు. 13వ నెల నిలకడ 80.8 శాతంగా నమోదైంది.

ఇది వినియోగదారులకు కంపెనీపై ఉన్న విశ్వాసాన్ని తెలియజేస్తోంది. కంపెనీలో పనిచేస్తున్న ఉద్యోగుల సంఖ్య కూడా 13 శాతం పెరిగి దాదాపు 69,000కు చేరుకుంది.దీర్ఘకాలంలో వినియోగదారులకు లబ్ధి చేకూర్చాలనే లక్ష్యంతో కంపెనీ తమ పాలసీదారులకు బోనస్‌లు ప్రకటించింది. 2024-25లో 5.2 లక్షల మందికి మొత్తం రూ. 351 కోట్లు పంపిణీ చేసింది. ఇలా నిరంతరంగా 24 ఏళ్లుగా బోనస్‌లు అందిస్తూ వినియోగదారులకు ఆర్థిక భరోసా కల్పించడంలో తమ నిబద్ధతను చాటుకుంది.

స్థిరమైన వ్యాపార వృద్ధి, సమర్థవంతమైన నిర్వహణతో కంపెనీ ఎంబెడెడ్ విలువ రూ. 6,885 కోట్ల నుంచి రూ. 7,397 కోట్లకు పెరిగింది.ఉద్యోగుల శ్రేయస్సుకు అత్యంత ప్రాధాన్యమిస్తూ, వరుసగా ఆరో ఏడాది కూడా గ్రేట్ ప్లేస్ టు వర్క్ సర్టిఫికేషన్‌ను సొంతం చేసుకుంది. అంతేకాకుండా ‘టాప్ 50 లార్జ్ వర్క్‌ప్లేసెస్ బిల్డింగ్ ఏ కల్చర్ ఆఫ్ ఇన్నోవేషన్ ఫర్ ఆల్‌’ జాబితాలోనూ తన స్థానాన్ని నిలబెట్టుకుంది. వినియోగదారుల విభిన్న అవసరాలను దృష్టిలో ఉంచుకుని, ఐఆర్‌డీఏఐ మార్గదర్శకాలకు అనుగుణంగా ఆరు వినూత్నమైన కొత్త పాలసీలను కూడా కంపెనీ అందుబాటులోకి తెచ్చింది.

ఈ సందర్భంగా రిలయన్స్ నిప్పన్ లైఫ్ ఇన్సూరెన్స్ ఎగ్జిక్యూటివ్ డైరెక్టర్ & సీఈవో ఆశీష్ వోహ్రా మాట్లాడుతూ, క్రమబద్ధమైన ప్రణాళికలు, వినియోగదారుల అవసరాలకు ప్రాధాన్యతనివ్వడం, బలమైన ప్రాథమిక అంశాలే ఈ విజయానికి కారణమని చెప్పారు. పంపిణీ వ్యవస్థను మరింత బలోపేతం చేయడం, వినియోగదారుల అనుభవాన్ని మెరుగుపరచడం వంటి చర్యలు తమకు ఎంతో ఉపయోగపడ్డాయని ఆయన అన్నారు.

ఐఐహెచ్‌ఎల్, నిప్పన్ లైఫ్ ఇన్సూరెన్స్ సంస్థల కలయికతో మరింత మంచి ఫలితాలు సాధించగలమని ఆయన ఆశాభావం వ్యక్తం చేశారు. విశ్వసనీయత, వినూత్నత, స్థిరమైన పనితీరుతో భవిష్యత్తులోనూ ముందంజలో ఉంటామని ఆయన ధీమా వ్యక్తం చేశారు.

MOST READ NEWS : 

1. Health : ప్రభుత్వ ప్రధాన కార్యదర్శి కీలక ప్రకటన..! హెల్త్ కేర్ పై ప్రభుత్వం దృష్టి..!

2. Kalpataru: కల్పతరు ప్రాజెక్ట్స్‌కు రూ.2,372 కోట్ల రూపాయల కొత్త ఆర్డర్లు..!

3. Muthoot : రికార్డు స్థాయిలో రుణాలు, లాభాలు.. ముత్తూట్ ఫైనాన్స్ ఆర్థిక ఫలితాలు విడుదల..!

4. Gold Price : దిగివచ్చిన బంగారం ధర.. కొనుగోలుకు సమయం ఇదే..!

5. UTI: మీరు వేల్యూ ఇన్వెస్టరా.. యూటీఐ లార్జ్ & మిడ్ క్యాప్ మీ కోసమే..!

Our YouTube Channel