TCS: మూడు కొత్త టెక్నాలజీలను ఆవిష్కరించిన టీసీఎస్..!

TCS: మూడు కొత్త టెక్నాలజీలను ఆవిష్కరించిన టీసీఎస్..!

ఢిల్లీ :

భారతదేశ డిజిటల్ వృద్ధిని మరింత శక్తివంతం చేసేందుకు టాటా కన్సల్టెన్సీ సర్వీసెస్ (టీసీఎస్) మూడు కొత్త సాంకేతిక సేవలను న్యూఢిల్లీలో జరిగిన “ఆక్సిలరేటింగ్ ఇండియా” కార్యక్రమంలో ఆవిష్కరించింది. ఈ సేవలు భారతదేశ అవసరాలకు అనుగుణంగా రూపొందించామని కంపెనీ చెబుతోంది.

డేటా సార్వభౌమత్వం, భద్రత, స్థిరత్వంతో పాటు కృత్రిమ మేధస్సు (ఏఐ) ఆధారిత ఆవిష్కరణలను వేగవంతం చేస్తాయి. ఈ కార్యక్రమంలో టీసీఎస్ సీఈవో కె. కృతివాసన్, ప్రెసిడెంట్ గిరీష్ రామచంద్రన్, ఇతర సీనియర్ నాయకులతో పాటు ప్రభుత్వ, ప్రైవేటు రంగాల నుంచి ప్రముఖ క్లయింట్లు పాల్గొన్నారు.

టీసీఎస్ సావరిన్‌సెక్యూర్ క్లౌడ్:

భారతదేశం కోసం రూపొందిన ఈ స్వదేశీ, భద్రమైన క్లౌడ్ సేవ ప్రభుత్వ సంస్థలు, పబ్లిక్ సెక్టర్ సంస్థల కోసం ఏఐ సామర్థ్యాలను అందిస్తుంది. ముంబై, హైదరాబాద్‌లోని టీసీఎస్ డేటా సెంటర్లలో నిర్వహించబడే ఈ క్లౌడ్, డిజిటల్ వ్యక్తిగత డేటా రక్షణ చట్టం 2023కు అనుగుణంగా డేటాను దేశ సరిహద్దుల్లోనే ఉంచుతుంది.

జీరో ట్రస్ట్ ఆర్కిటెక్చర్‌పై నిర్మితమై, 2030 నాటికి నెట్-జీరో కార్బన్ ఉద్గారాల లక్ష్యంతో, ఈ క్లౌడ్ తక్కువ జాప్యంతో కీలక అప్లికేషన్లకు అవకాశం కల్పిస్తుంది. ఏఐ ఆధారిత డేటా విశ్లేషణలు, నిరంతర భద్రతా పరీక్షలతో, పౌర సేవలను మెరుగుపరుస్తూ, డేటా ఆధారిత నిర్ణయాలను వేగవంతం చేస్తుంది.

టీసీఎస్ డిజిబోల్ట్:

ఏఐ ఆధారిత లో-కోడ్ ప్లాట్‌ఫామ్ అయిన డిజ డిజిటల్ ప్రక్రియలను స్వయంచాలితం చేసి, సంస్థలు తమ డిజిటల్ ఆవిష్కరణలను వేగంగా అమలు చేయడానికి వీలు కల్పిస్తుంది. ఓపెన్-సోర్స్ సాంకేతికతలపై నిర్మితమై, ఇది ఏఐ ఆధారిత అప్లికేషన్లను వేగంగా స్కేల్ చేయడంలో సహాయపడుతుంది, సంస్థలకు పోటీతత్వ ప్రయోజనాన్ని అందిస్తుంది.

టీసీఎస్ సైబర్ డిఫెన్స్ సూట్:

ఈ ఏఐ ఆధారిత సైబర్‌సెక్యూరిటీ సేవ భారత సంస్థలకు అధునాతన రక్షణను అందిస్తుంది. సైబర్ బెదిరింపులను ముందస్తుగా గుర్తించి, ఆటోమేటెడ్ రెస్పాన్స్‌తో స్పందిస్తూ, హైబ్రిడ్ మల్టీ-క్లౌడ్, ఐటీ, ఓటీ వాతావరణాల్లో రక్షణ కల్పిస్తుంది. 16,000 మంది సైబర్‌సెక్యూరిటీ నిపుణులతో, టీసీఎస్ భారతదేశంలో సైబర్ రక్షణను బలోపేతం చేస్తోంది.

ఈ అంశంపై గిరీష్ రామచంద్రన్ మాట్లాడుతూ… “భారతదేశం డేటా సార్వభౌమత్వం, ఏఐ, డిజిటల్ వేగంతో కొత్త అవకాశాలను సృష్టిస్తోంది. ఈ సేవలు భారత అవసరాలకు అనుగుణంగా రూపొంది, దేశ ఆస్తులను రక్షిస్తూ, ఆర్థిక వృద్ధి, ఆవిష్కరణలను ప్రోత్సహిస్తాయి” అని తెలిపారు.

MOST READ :

1. SBI Life: సత్తా చాటిన ఎస్బీఐ లైఫ్ ఇన్సూరెన్స్.. రూ.35 వేల కోట్లకుపైగా బిజినెస్..!

2. SBI: FY 25 ఫలితాలు ప్రకటించిన ఎస్బీఐ జనరల్ ఇన్సూరెన్స్.. 112% పెరిగిన లాభం..!

3. అఘోరి ఆడా.. మగా.. తేల్చి చెప్పిన వైద్యులు.. చంచల్ గూడ జైలుకు తరలింపు..!

4. Godrej : అత్యాధునిక హోమ్ లాకర్లు.. ఆవిష్కరించిన గోద్రెజ్..!

5. Miryalaguda : ఇంటర్ ఫలితాల్లో స్టేట్ టాపర్.. ఎస్వి మోడల్ స్కూల్ విద్యార్థి..!

Tags:

BREAKING NEWS TATA TCS Telugu news

Our YouTube Channel