L&T: అదరగొట్టిన ఎల్ అండ్ టీ..!
L&T: అదరగొట్టిన ఎల్ అండ్ టీ..!
ముంబై, మన సాక్షి:
మార్చి 31తో ముగిసిన ఆర్థిక సంవత్సరానికి లార్సెన్ & టూబ్రో (ఎల్ అండ్ టీ) అదిరిపోయే ఫలితాలు సాధించింది. ఏకంగా రూ.3.5 లక్షల కోట్ల ఆర్డర్లు కొల్లగొట్టింది. ఇది గత ఏడాదితో పోలిస్తే 18% ఎక్కువ. అంతేకాదు, కంపెనీ ఆదాయం కూడా రూ.2.5 లక్షల కోట్లు దాటింది. ఇది కూడా 16% వృద్ధిని నమోదుచేసింది.
సంస్థ నికర లాభం (PAT) రూ.15,037 కోట్లకు చేరింది. ఇందులో గతంలో చేసిన ఒక పెట్టుబడికి సంబంధించిన రూ.475 కోట్ల లాభం కూడా ఉంది. ఈ మొత్తం లాభం గత ఏడాదితో పోలిస్తే 15% ఎక్కువ. ఈ ఫలితాలతో కంపెనీ బోర్డు వాటాదారులకు ఒక్కో షేరుపై రూ.34 డివిడెండ్ ఇవ్వాలని సిఫార్సు చేసింది.
ఈ సందర్భంగా ఎల్ అండ్ టీ ఛైర్మన్ మరియు మేనేజింగ్ డైరెక్టర్ ఎస్.ఎన్. సుబ్రమణ్యన్ మాట్లాడుతూ.. ఇది తమకు చాలా మంచి సంవత్సరం అని చెప్పారు. కంపెనీ చరిత్రలో ఎన్నడూ లేనంతగా ఆర్డర్లు వచ్చాయని, దానివల్ల ఆర్డర్ బుక్ కూడా భారీగా పెరిగిందని ఆయన అన్నారు.
కొత్త టెక్నాలజీలు, డిజిటలైజేషన్ ద్వారా మరింత మెరుగైన పనితీరు కనబరుస్తామని ఆయన ఆశాభావం వ్యక్తం చేశారు. సెమీకండక్టర్ టెక్నాలజీలు, డేటా సెంటర్ల వంటి కొత్త రంగాల్లో కూడా పెట్టుబడులు పెడుతున్నామని ఆయన తెలిపారు.
దేశీయంగా మౌలిక సదుపాయాల కల్పనకు ప్రభుత్వం ఇస్తున్న ప్రోత్సాహం, ప్రైవేట్ రంగంలో వస్తున్న పెట్టుబడుల వల్ల రాబోయే రోజుల్లో కూడా మంచి వృద్ధి ఉంటుందని ఆయన ఆశాభావం వ్యక్తం చేశారు. మధ్యప్రాచ్య దేశాలు కూడా చమురు, గ్యాస్ రంగాలతో పాటు ఇతర రంగాల్లో పెట్టుబడులు పెడుతుండటం తమకు కలిసి వస్తుందని ఆయన అన్నారు.
క్లిక్ చేసి ఇది కూడా చదవండి :
-
Rythu : రైతులకు ప్రభుత్వం అదిరిపోయే శుభవార్త.. ఇకపై వారికి కూడా ఖాతాలలో డబ్బులు..!
-
District collector : లైసెన్స్ సర్వేయర్ల శిక్షణ.. దరఖాస్తుల ఆహ్వానం..!
-
Panchayat Elections : తెలంగాణలో సర్పంచ్ ఎన్నికలు ఎప్పుడంటే.. మంత్రి పొంగులేటి క్లారిటీ.. లేటెస్ట్ అప్డేట్..!
-
Nalgonda : నల్గొండ జిల్లాలో పట్ట పగలు దొంగల హల్ చల్.. వరుస చోరీలు..!
-
TG News : తెలంగాణలో మహిళలకు భారీ గుడ్ న్యూస్.. 50శాతం సబ్సిడీ..!
Our YouTube Channel
