Miryalaguda : మిర్యాలగూడలో నకిలీ వైద్యుల బాగోతం బట్టబయలు.. క్రిమినల్ కేసులు, నోటీసులు..!
Miryalaguda : మిర్యాలగూడలో నకిలీ వైద్యుల బాగోతం బట్టబయలు.. క్రిమినల్ కేసులు, నోటీసులు..!
మిర్యాలగూడలో తెలంగాణ మెడికల్ కౌన్సిల్ బృందం ఆకస్మిక తనిఖీలు
ప్రైవేట్ కంటి ఆసుపత్రుల అక్రమాలపై కొరడా
పలువురు డాక్టర్లపై క్రిమినల్ కేసులు, పలువురికి నోటీసులు
మిర్యాలగూడ, మన సాక్షి:
నల్గొండ జిల్లా మిర్యాలగూడలో నకిలీ వైద్యుల బండారం బయటపడింది. పలువురు డాక్టర్లపై క్రిమినల్ కేసులు నమోదు చేయడంతో పాటు పలువురికి నోటీసులు జారీ చేశారు. తెలంగాణ మెడికల్ కౌన్సిల్ బృందం ఆకస్మిక తనిఖీల్లో అనేక విషయాలు బయటపడ్డాయి.
తెలంగాణ మెడికల్ కౌన్సిల్ చైర్మన్ డా. కె. మహేష్ కుమార్, రిజిస్ట్రార్ డా. డి. లాలయ్య కుమార్ ఆదేశాల మేరకు మిషన్ మిర్యాలగూడ ఎగైనెస్ట్ క్వాకరీ లో భాగంగా సభ్యులు డా. వి. నరేష్ కుమార్, డా. కె. రవి కుమార్, డా. జె. శ్రీకాంత్ వర్మ మరియు విజిలెన్స్ అధికారి ఎం. రాకేష్ల బృందం మిర్యాలగూడ పట్టణంలోని పలు కంటి ఆసుపత్రులు మరియు నకిలీ వైద్యులు / ఆర్ ఎంపి లపై ఆకస్మిక తనిఖీలు నిర్వహించారు.
ఈ తనిఖీల్లో మొత్తం 8 కేంద్రాలను పరిశీలించగా, ఏ ఒక్క కంటి ఆసుపత్రిలో కూడా అర్హత గల కంటి వైద్య నిపుణులు లేకపోవడం గుర్తించి అధికారులు విస్తుపోయారు.
డిస్ట్రిక్ట్ రిజిస్ట్రేషన్ అథారిటీ నుండి కంటి వైద్య నిపుణుల పేర్లతో అనుమతులు పొంది, వాస్తవానికి అప్తాల్మాలజీ మరియు ఆప్టోమెట్రీ టెక్నీషియన్లతోనే ఆసుపత్రులు నిర్వహిస్తూ, వైద్యులు లేకుండానే అర్హతకు మించి మందులు, పరీక్షలు సూచించడం, కొన్నిచోట్ల ఆపరేషన్లు కూడా నిర్వహించడం ద్వారా ప్రజలను మోసం చేస్తున్నట్లు తేలింది. అనుమతులు పొందిన కంటి వైద్యులు మాత్రం హైదరాబాద్ మరియు ఇతర నగరాల్లో ప్రాక్టీస్ చేస్తున్నట్లు గుర్తించారు.
శ్రీ వెంకటేశ్వర కంటి ఆసుపత్రి మరియు షాలిని కంటి ఆసుపత్రుల్లో మరింత ఘోర పరిస్థితి..
ఎంబీబీఎస్ మాత్రమే చదివిన ఎం. భరత్ భూషన్, డా. కె. వెంకటేశ్వర్లు తాము ఎంఎస్ (ఆఫ్తాల్మాలజీ) చేసినట్లు తప్పుడు వివరాలు ప్రదర్శించి, కంటి వైద్య నిపుణులుగా ప్రచారం చేసుకుంటూ, వారి స్థానంలో కేవలం టెక్నీషియన్లతోనే ఆసుపత్రులు నిర్వహిస్తున్నట్లు గుర్తించారు.
అలాగే కోమల మెడికల్ అండ్ జనరల్ స్టోర్ నిర్వాహకుడు నకిలీ వైద్యుడు ఎ. కోటేశ్వర్ రావు ఎటువంటి అర్హతలు లేకుండానే తన ఫస్ట్ ఎయిడ్ సెంటర్లో బెడ్లు ఏర్పాటు చేసి, ఇష్టానుసారంగా యాంటిబయోటిక్స్, స్టెరాయిడ్ ఇంజెక్షన్లు ఇస్తూ ప్రజారోగ్యంతో చెలగాటం ఆడుతున్నట్లు తేలింది. మరో నకిలీ వైద్యుడు ఫ్రెండ్స్ ఫస్ట్ ఎయిడ్ సెంటర్ నిర్వాహకుడు మునీర్ తనిఖీ విషయం తెలిసి పరారైనట్లు గుర్తించారు.
తనిఖీ నిర్వహించిన కేంద్రాలు :
1. శ్రీ వెంకటేశ్వర (ఎస్ వి) కంటి హాస్పిటల్
2. శ్రీ మహాలక్ష్మి కంటి హాస్పిటల్
3. అన్నపూర్ణ నేత్రాలయం
4. యశస్వి కంటి హాస్పిటల్
5. షాలిని ఐ క్లినిక్
6. రఫా విజన్ కేర్ సెంటర్
7. శివ సాయి కంటి హాస్పిటల్
అర్హతకు మించి వైద్యం నిర్వహిస్తున్న టెక్నీషియన్లు నాగేష్, వాల్కె శ్రీను, నాగరాజు, శివ కోటేశ్వర్ రావు, వెంకటేష్, వికాస్ కుమార్ మరియు నకిలీ వైద్యుడు / ఆర్ ఎంపి ఎ. కోటేశ్వర్ రావులపై ఎన్ ఎంసి మరియు టి ఎం పి ఆర్ చట్టాల ప్రకారం క్రిమినల్ కేసులు నమోదు చేయనున్నట్లు సభ్యులు తెలిపారు.
అలాగే కంటి వైద్య నిపుణులు డా. శ్రీకుమార్, డా. ప్రభు చైతన్య, డా. బషీర్, డా. అమర్లకు కౌన్సిల్ నుండి నోటీసులు జారీ చేయనున్నట్లు తెలిపారు. నకిలీ కంటి వైద్య నిపుణులు డా. ఎం. భరత్ భూషన్, డా. కె. వెంకటేశ్వర్లులకు షోకాజ్ నోటీసులు జారీ చేసి, మెడికల్ ఎథిక్స్ అండ్ మాల్ప్రాక్టీసెస్ కమిటీ ముందు విచారణ నిర్వహించి, సంతృప్తికరమైన సమాధానం రాకపోతే అవసరమైతే వారి ఎంబీబీఎస్ డిగ్రీ లైసెన్సులను సస్పెండ్ చేస్తామని మరియు కంటి ఆసుపత్రుల అవక తవకలపై తగు చర్యలు తీసుకోవాలని జిల్లా కలెక్టర్ కి సిఫార్సు చేస్తామని టీజీఎంసీ పబ్లిక్ రిలేషన్స్ కమిటీ చైర్మన్ డా వి. నరేష్ కుమార్
ప్రజారోగ్య పరిరక్షణ దృష్ట్యా నకిలీ వైద్యులపై నిరంతర తనిఖీలు కొనసాగుతాయని, అర్హతకు మించి వైద్యం చేయడం, ఇంజెక్షన్లు ఇవ్వడం, ఆపరేషన్లు నిర్వహించడం, లింగ నిర్ధారణ, అక్రమ గర్భస్రావాలు చేసే వారిపై కఠిన చర్యలు తప్పవని సభ్యులు డా. కె. రవి కుమార్, డా జె. శ్రీకాంత్ స్పష్టం చేశారు. తనిఖీ లకు సహకరించి పోలీస్ ల తో రక్షణ కల్పించిన మిర్యాలగూడ డి ఎస్ పి కె. రాజశేఖర్ రాజుకి, పోలిస్ అధికారుల బృందానికి కృతజ్ఞతలు తెలియ చేశారు.
MOST READ
-
Insurance : బీమా కోసం ఇద్దరు అన్నదమ్ముల ప్లాన్.. రూ.3 కోట్ల కోసం.. కన్నతండ్రిని..!
-
Illegal Transportation : అక్రమంగా మట్టి రవాణా.. రెండు టిప్పర్లు పట్టివేత..!
-
ACB : రూ.10వేలు లంచం తీసుకుంటూ ఏసీబీ కి రెడ్ హ్యాండెడ్ గా చిక్కిన రెవెన్యూ ఇన్స్పెక్టర్..!
-
Food : దోష, ఇడ్లీ, వడ.. టిఫిన్ ఏదైనా టమోటో చట్నీ.. ఇలా చేస్తే రెస్టారెంట్ టెస్ట్.. అదిరిపోయేలా..!
Our YouTube Channel
