నిరుద్యోగ యువతకు బంగారు అవకాశం.. 19న కోదాడలో మెగా జాబ్ మేళా..!
నిరుద్యోగ యువతకు ఉద్యోగ అవకాశాలు కల్పించడంతో పాటు ఉపాధి అవకాశాలను మరింత విస్తృతం చేయాలనే లక్ష్యంతో ఈ నెల 19న కోదాడ పట్టణంలోని సెయింట్ జోసెఫ్ సీసీఆర్ విద్యానిలయంలో మెగా జాబ్ మేళా నిర్వహించనున్నట్లు ఏఐసీసీ సభ్యులు రాంరెడ్డి సర్వోత్తమ్ రెడ్డి తెలిపారు.
నిరుద్యోగ యువతకు బంగారు అవకాశం.. 19న కోదాడలో మెగా జాబ్ మేళా..!
సూర్యాపేట, మనసాక్షి :
నిరుద్యోగ యువతకు ఉద్యోగ అవకాశాలు కల్పించడంతో పాటు ఉపాధి అవకాశాలను మరింత విస్తృతం చేయాలనే లక్ష్యంతో ఈ నెల 19న కోదాడ పట్టణంలోని సెయింట్ జోసెఫ్ సీసీఆర్ విద్యానిలయంలో మెగా జాబ్ మేళా నిర్వహించనున్నట్లు ఏఐసీసీ సభ్యులు రాంరెడ్డి సర్వోత్తమ్ రెడ్డి తెలిపారు.
మంగళవారం సూర్యాపేట లోని డిగ్రీ, జూనియర్ కళాశాలల ప్రతినిధులతో నిర్వహించిన సమావేశంలో ఆయన మాట్లాడుతూ.. ఈ మెగా జాబ్ మేళాలో 300కు పైగా కంపెనీలు పాల్గొనే అవకాశం ఉందని తెలిపారు. సూర్యాపేట నియోజకవర్గంతో పాటు జిల్లాలోని నిరుద్యోగ యువత పెద్ద సంఖ్యలో పాల్గొని ఈ అవకాశాన్ని సద్వినియోగం చేసుకోవాలని ఆయన సూచించారు.
ALSO READ : ప్రేమ పేరుతో యువతికి వేధింపులు.. భరించలేక యువతి ఆత్మహత్య..!
తెలంగాణ రాష్ట్రంలో నిరుద్యోగ సమస్యను తగ్గించి యువతకు మెరుగైన ఉద్యోగ, ఉపాధి అవకాశాలు కల్పించాలనే ఉద్దేశంతో రాష్ట్ర పౌరసరఫరాల శాఖ మంత్రి ఎన్. ఉత్తమ్ కుమార్ రెడ్డి ఆధ్వర్యంలో ఈ మెగా జాబ్ మేళాను నిర్వహిస్తున్నట్లు రాంరెడ్డి సర్వోత్తమ్ రెడ్డి తెలిపారు.
విద్యార్హతలు, నైపుణ్యాలకు అనుగుణంగా వివిధ రంగాల్లో ఉద్యోగ అవకాశాలు లభించే అవకాశం ఉన్నందున యువత ఈ అవకాశాన్ని వదులుకోకుండా జాబ్ మేళాలో పాల్గొనాలని ఆయన పిలుపునిచ్చారు. యువతకు ఉద్యోగాలు కల్పించడం ద్వారా వారి భవిష్యత్తుకు భరోసా కల్పించడంతో పాటు కుటుంబాల ఆర్థిక స్థితిగతులను మెరుగుపరచడమే లక్ష్యంగా ఈ కార్యక్రమాన్ని నిర్వహిస్తున్నట్లు పేర్కొన్నారు.
ALSO READ : నిరుద్యోగ యువతకు బంగారు అవకాశం.. 19న కోదాడలో మెగా జాబ్ మేళా..!
Our YouTube Channel
