గుర్రంపోడులో ఘనంగా వినాయక విగ్రహాల ఆగమనం..!
గుర్రంపోడు మండల కేంద్రంలో వినాయక చవితి నవరాత్రి ఉత్సవాల సందడి మొదలైంది. సోమవారం వినాయక విగ్రహాల ఆగమన వేడుకలను అత్యంత వైభవంగా నిర్వహించారు.
గుర్రంపోడులో ఘనంగా వినాయక విగ్రహాల ఆగమనం..!
గుర్రంపోడు, మన సాక్షి :
గుర్రంపోడు మండల కేంద్రంలో వినాయక చవితి నవరాత్రి ఉత్సవాల సందడి మొదలైంది. సోమవారం వినాయక విగ్రహాల ఆగమన వేడుకలను అత్యంత వైభవంగా నిర్వహించారు. మండల కాంగ్రెస్ ఎస్సీ సెల్ అధ్యక్షులు మేడి వెంకన్న ఈ వేడుకలకు ముఖ్య నిర్వాహకుడిగా వ్యవహరించారు.
ఉత్సవాల సందర్భంగా గుర్రంపోడు మండల కేంద్రంలోని పలు ప్రాంతాల వినాయక ఉత్సవ కమిటీలకు ఆయనే స్వయంగా విగ్రహాలను అందజేశారు. ఈ విగ్రహాల ఊరేగింపు గ్రామంలో పెద్ద పండుగ వాతావరణాన్ని తీసుకొచ్చింది. డప్పు చప్పుళ్లు, బ్యాండ్ మేళాలు, మంగళ వాయిద్యాల నడుమ భక్తుల కోలాహలంతో గణనాథుల ఆగమనం అంగరంగ వైభవంగా సాగింది. స్థానిక ఉత్సవ నిర్వాహకులకు మేడి వెంకన్న చేతుల మీదుగా విగ్రహాలను అందజేశారు.
ఈ సందర్భంగా విగ్రహాలను సమకూర్చిన మేడి వెంకన్న మాట్లాడుతూ.. వినాయక నవరాత్రి ఉత్సవాలను గ్రామస్తులంతా కలిసికట్టుగా, భక్తిశ్రద్ధలతో జరుపుకోవాలని కోరారు. ఉత్సవ కమిటీలకు తన వంతుగా విగ్రహాలను అందజేయడం సంతోషంగా ఉందన్నారు. గ్రామంలో భక్తిభావం, ప్రశాంత వాతావరణం పెంపొందేందుకు అందరూ సహకరించాలని ఆయన పిలుపునిచ్చారు.
అనంతరం గ్రామంలో ఆధ్యాత్మిక వాతావరణం పెంపొందించేందుకు కృషి చేసిన మేడి వెంకన్నను స్థానిక ఉత్సవ కమిటీ సభ్యులు, గ్రామ పెద్దలు శాలువాతో ఘనంగా సన్మానించారు. విగ్రహాలను సమకూర్చినందుకు గాను స్థానికులు ఆయనను ఎంతో అభినందిస్తూ, ప్రత్యేక కృతజ్ఞతలు తెలియజేశారు.
Our YouTube Channel
