Goups : గ్రూప్ 1 ప్రిలిమినరీ పరీక్ష కేంద్రాల సందేహాల నివృత్తికి హెల్ప్ డెస్క్.. టోల్ ఫ్రీ నెంబర్
Goups : గ్రూప్ 1 ప్రిలిమినరీ పరీక్ష కేంద్రాల సందేహాల నివృత్తికి హెల్ప్ డెస్క్.. టోల్ ఫ్రీ నెంబర్
జిల్లా కలెక్టర్ టి.వినయ్ క్రిష్ణా రెడ్డి
నల్లగొండ , మన సాక్షి:
నల్గొండ జిల్లాలో ఈ నెల 11 వ తేదీన నిర్వహించనున్న గ్రూప్ 1 ప్రిలిమినరీ పరీక్ష కు సంబందించి సందేహాల నివృత్తి కి టోల్ ఫ్రీ నెంబర్ 18004251442 కేటాయించి హెల్ప్ డెస్క్ ఏర్పాటు చేసినట్లు జిల్లా కలెక్టర్ టి.వినయ్ క్రిష్ణా రెడ్డి తెలిపారు.
జిల్లాలో 51 పరీక్షా కేంద్రాలు జిల్లా కేంద్రం లో ఏర్పాటు చేసినట్లు తెలిపారు.జిల్లాలో 16095 మంది అభ్యర్థులు పరీక్షకు హాజరు కానున్నారని,ఇందులో 191 మంది ఉర్దూ మీడియం అభ్యర్థులు ఉన్నారని తెలిపారు.
ఈ నెల 11 న గ్రూప్ 1 ప్రిలిమినరీ పరీక్ష ఉదయం 10.30 గంటల నుండి మధ్యాహ్నం ఒంటి గంట వరకు నిర్వహించ నున్నట్లు,అభ్యర్థులు పరీక్ష కేంద్రాలకు ఉదయం 8.30 గంటల నుండి 10.15 గంటల వరకు మాత్రమే అనుమతించడం జరుగుతుందని,10.15 గంటలకు గేట్ లు మూసి వేయనున్నట్లు తెలిపారు.
Also Read : Wifi : మీ వైఫై రూటర్ 24 గంటలు ఆన్ లోనే ఉంచుతున్నారా..? అయితే ఇది చూడాల్సిందే ..!
పరీక్షా కేంద్రం గేట్ లు మూసి వేసిన తర్వాత అభ్యర్థులను పరీక్ష కేంద్రం లోకి అనుమతి లేదని ఆయన స్పష్టం చేశారు.
అభ్యర్థులు పరీక్షా కేంద్రాలకు సకాలం లో చేరుకోవాలని, పరీక్షా కేంద్రాలను అభ్యర్థులు ముందుగానే అడ్రస్ తెలుసుకొని చూసుకోవాలని అన్నారు.
పరీక్ష కేంద్రాలు,పరీక్ష కు సంబందించి ఎటువంటి సమస్య, సందేహలు ఉన్నా టోల్ ఫ్రీ నెంబర్ 18004251442 కు ఫోన్ చేసి నివృత్తి చేసుకోవాలని తెలిపారు.
Also Read : హైదరాబాద్ | టీఎస్ ఆర్టీసీ గుడ్ న్యూస్… ఇక అందరికీ బస్ పాస్ లు.. సగం డబ్బులు ఆదా..!
పరీక్ష కు సంబందించి ఇప్పటికే చీఫ్ సూపరింటెండెంట్ లను,ఇన్విజిలేటర్ లను, లైజన్ అధికారులను నియమించినట్లు ఆయన వెల్లడించారు.
అభ్యర్థులు హాల్ టికెట్ తో పాటు ఒరిజినల్ గుర్తింపు కార్డ్ తీసుకురావాలని తెలిపారు.
పరీక్ష కేంద్రం లో ఓ.ఎం.అర్ పత్రాలలో సరిగ్గా బబ్లింగ్ చేయాలని,లేకుంటే ఇన్ వ్యాలిడ్ కింద పరిగణించడం జరుగుతుందని ఈ ప్రకటన లో తెలిపారు.
