Jannah Theme License is not validated, Go to the theme options page to validate the license, You need a single license for each domain name.
Breaking Newsజిల్లా వార్తలుతెలంగాణనల్గొండ

Miryalaguda : ఎమ్మెల్యే బిఎల్ఆర్ కీలక ఆదేశాలు.. రైస్ మిల్లుల తనిఖీ, రైతులతో మాట మంతీ..!

మిర్యాలగూడ శాసనసభ్యులు బత్తుల లక్ష్మారెడ్డి కీలక ఆదేశాలు జారీ చేశారు. సోమవారం రైస్ మిల్లుల్లో తనిఖీలు నిర్వహించి రైతులతో ముచ్చటించారు. ధాన్యం ధరల గురించి చర్చించారు.

Miryalaguda : ఎమ్మెల్యే బిఎల్ఆర్ కీలక ఆదేశాలు.. రైస్ మిల్లుల తనిఖీ, రైతులతో మాట మంతీ..!

మిర్యాలగూడ, మనసాక్షి :

మిర్యాలగూడ శాసనసభ్యులు బత్తుల లక్ష్మారెడ్డి కీలక ఆదేశాలు జారీ చేశారు. సోమవారం రైస్ మిల్లుల్లో తనిఖీలు నిర్వహించి రైతులతో ముచ్చటించారు. ధాన్యం ధరల గురించి చర్చించారు. మిర్యాలగూడ నియోజకవర్గంలో ధాన్యం కొనుగోలు ప్రక్రియలో రైతులకు ఎలాంటి ఇబ్బందులు కలగకుండా చూడాలని శాసనసభ్యులు బత్తుల లక్ష్మారెడ్డి సూచించారు.

బియ్యం మిల్లుల సందర్శన:

ఈ మేరకు సోమవారం మిర్యాలగూడ రైస్ మిలర్స్ అసోసియేషన్ అధ్యక్షులు గౌరు శ్రీనివాస్ తో కలిసి ఎమ్మెల్యే బత్తుల లక్ష్మారెడ్డి పలు రైస్ మిల్లులను సందర్శించి ధాన్యం కొనుగోలు ప్రక్రియను క్షేత్రస్థాయిలో పరిశీలించారు. ఈ సందర్భంగా రైస్ మిల్లుల యాజమాన్యాలతో మాట్లాడి రైతుల నుంచి ధాన్యాన్ని క్వింటాలుకు రూ.3,500 తగ్గకుండా కొనుగోలు చేయాలని సూచించారు. రైతులకు గిట్టుబాటు ధర కల్పించడంతో పాటు, ధాన్యం విక్రయించే సమయంలో ఎలాంటి ఇబ్బందులు, జాప్యం లేకుండా చూడాలని స్పష్టం చేశారు.

అనంతరం మిల్లుల వద్ద ఉన్న రైతులతో నేరుగా మాట్లాడి ప్రస్తుతం ధాన్యానికి లభిస్తున్న ధరలు, కొనుగోలు పరిస్థితులను అడిగి తెలుసుకున్నారు. పలు రైస్ మిల్లులలో రసీదులను సైతం పరిశీలించి కొనుగోళ్ల కు సంబంధించిన వివరాలను తనిఖీ చేశారు. రైతుల సంక్షేమమే ప్రభుత్వ ప్రధాన లక్ష్యమని, రైతులు పండించిన ధాన్యానికి తగిన ధర లభించేలా నిరంతరం పర్యవేక్షిస్తామని ఎమ్మెల్యే తెలిపారు.

మరిన్ని వార్తలు