Karimnagar : కొత్తపల్లిలో పేకాట స్థావరంపై టాస్క్ ఫోర్స్ మెరుపు దాడి.. నలుగురు అరెస్ట్, నగదు స్వాధీనం..!
కరీంనగర్ పోలీస్ కమీషనర్ గౌష్ ఆలం ఆదేశాల మేరకు నగర పరిసర ప్రాంతాల్లో అసాంఘిక కార్యకలాపాల అణచివేతకు పోలీసులు ముమ్మర చర్యలు చేపట్టారు.
Karimnagar : కొత్తపల్లిలో పేకాట స్థావరంపై టాస్క్ ఫోర్స్ మెరుపు దాడి.. నలుగురు అరెస్ట్, నగదు స్వాధీనం..!
కరీంనగర్, మనసాక్షి :
కరీంనగర్ పోలీస్ కమీషనర్ గౌష్ ఆలం ఆదేశాల మేరకు నగర పరిసర ప్రాంతాల్లో అసాంఘిక కార్యకలాపాల అణచివేతకు పోలీసులు ముమ్మర చర్యలు చేపట్టారు. ఇందులో భాగంగా టాస్క్ ఫోర్స్ ఏసీపీ వాసాల సతీష్ నేతృత్వంలోని పోలీస్ బృందం కొత్తపల్లిలో గుట్టుచప్పుడు కాకుండా సాగుతున్న ఒక పేకాట స్థావరంపై సోమవారం మెరుపు దాడి నిర్వహించింది.
ఈ దాడిలో జూదగాళ్ల ఆట కట్టించి, నలుగురు వ్యక్తులను పోలీసులు రంగంలోకి దిగి అదుపులోకి తీసుకున్నారు. వివరాల్లోకి వెళితే కొత్తపల్లిలో డబ్బులు పణంగా పెట్టి కొందరు వ్యక్తులు పేకాట ఆడుతున్నట్లు టాస్క్ ఫోర్స్ పోలీసులకు నమ్మదగిన సమాచారం అందింది. ఈ సమాచారంపై తక్షణమే స్పందించిన పోలీసులు సదరు స్థావరంపై అకస్మాత్తుగా దాడి చేశారు.
ఈ క్రమంలో జూదం ఆడుతూ పట్టుబడిన నలుగురు వ్యక్తులను అక్కడికక్కడే బంధించి అదుపులోకి తీసుకున్నారు. జూదరుల వద్ద పందెం వేస్తున్న రూ. 18,940/- నగదును పోలీసులు స్వాధీనం చేసుకున్నారు. నిందితుల వద్ద ఉన్న 4 సెల్ ఫోన్లను సీజ్ చేశారు. అరెస్టయిన నిందితులతో పాటు స్వాధీనం చేసుకున్న నగదు, మొబైల్ ఫోన్లను తదుపరి చట్టపరమైన చర్యల నిమిత్తం కొత్తపల్లి పోలీస్ స్టేషన్కు అప్పగించినట్లు అధికారులు తెలిపారు.
నగర పరిసర ప్రాంతాల్లో చట్టవిరుద్ధమైన లేదా ఇలాంటి అసాంఘిక కార్యకలాపాలకు పాల్పడితే ఎంతటివారైనా సరే ఉపేక్షించేది లేదని, వారిపై చట్టపరంగా కఠిన చర్యలు తీసుకుంటామని పోలీసులు ఈ సందర్భంగా తీవ్రంగా హెచ్చరించారు.
Our YouTube Channel
