CIBIL : దేశవ్యాప్త రుణ అవగాహన: ట్రాన్స్‌యూనియన్ సిబిల్, సా-ధన్ భాగస్వామ్యం..!

CIBIL : దేశవ్యాప్త రుణ అవగాహన: ట్రాన్స్‌యూనియన్ సిబిల్, సా-ధన్ భాగస్వామ్యం..!

ముంబై:

దేశంలో ఆర్థిక అక్షరాస్యతను పెంపొందించే దిశగా కీలక ముందడుగు పడింది. ఇన్ఫర్మేషన్, ఇన్‌సైట్స్ రంగంలో అగ్రగామి సంస్థ ట్రాన్స్‌యూనియన్ సిబిల్ మరియు సూక్ష్మ రుణ సంస్థల (ఎంఎఫ్‌ఐ) స్వీయ నియంత్రణ సంస్థ సా-ధన్ లు కలిసి దేశవ్యాప్తంగా రుణాలపై భారీ అవగాహన కార్యక్రమాన్ని ఆవిష్కరించాయి. ఈ వినూత్న కార్యక్రమం దేశవ్యాప్తంగా రుణదాతలు, సూక్ష్మ రుణ గ్రహీతలకు బాధ్యతాయుతమైన రుణ విధానాలపై సమగ్ర అవగాహన కల్పించనుంది.

ఆర్థిక సమ్మిళితత్వానికి కొత్త ఊతం
ఈ భాగస్వామ్యం ఎంఎఫ్‌ఐల రుణ మదింపు, పర్యవేక్షణ సామర్థ్యాలను గణనీయంగా పెంచనుంది. ఆర్థిక సమ్మిళితత్వం, బాధ్యతాయుత రుణ పంపిణీ లక్ష్యంగా డేటా ఆధారిత విశ్లేషణలు, అత్యాధునిక సాధనాలు, శిక్షణతో ఎంఎఫ్‌ఐలను బలోపేతం చేయడమే ఈ కార్యక్రమం ప్రధాన ఉద్దేశ్యం.

బహుభాషల్లో డిజిటల్ కంటెంట్, కమ్యూనిటీ విధానం
ఈ అవగాహన కార్యక్రమంలో బహుభాషల్లో డిజిటల్ కంటెంట్, కమ్యూనిటీ ఆధారిత విధానం ఉండటం విశేషం. ఇది దేశంలోని వివిధ ప్రాంతాల ప్రజలందరికీ చేరువయ్యేలా రూపొందించబడింది. ఎంఎఫ్‌ఐలు తమ క్లయింట్లకు అవగాహన కల్పించి, మార్గదర్శకత్వం వహించడం ద్వారా బాధ్యతాయుతమైన క్రెడిట్ అలవాట్లను ప్రోత్సహించడం, తద్వారా అంతగా సేవలు అందని మార్కెట్లలో ఆర్థిక సమ్మిళితత్వాన్ని విస్తరించడం దీని లక్ష్యం.

జాయింట్ వర్క్‌షాప్‌లు, శిక్షణా మాడ్యూల్స్
ఢిల్లీ ప్రధాన కార్యాలయంగా పనిచేస్తున్న సా-ధన్ సంస్థలో 230కి పైగా సూక్ష్మ రుణ సంస్థలు, ఎన్‌బిఎఫ్‌సిలు, బ్యాంకులు సభ్యత్వం కలిగి ఉన్నాయి. ఈ భాగస్వామ్యంలో భాగంగా ట్రాన్స్‌యూనియన్ సిబిల్ మరియు సా-ధన్ సంయుక్తంగా రీజనల్ వర్క్‌షాప్‌లు, రాష్ట్ర స్థాయి కార్యక్రమాలు నిర్వహిస్తాయి. అండర్‌రైటింగ్‌లో క్రెడిట్ స్కోర్ పాత్ర, డేటాను సమర్థవంతంగా ఉపయోగించుకోవడం, బలమైన రుణ వ్యవస్థను నిర్మించుకోవడంపై అవగాహన పెంచడానికి ఎంఎఫ్‌ఐలు, వాటి బృందాలకు ప్రత్యేక శిక్షణా మాడ్యూల్స్ రూపొందించబడతాయి.

ఆర్థిక భవిష్యత్తుకు భరోసా: భవేష్ జైన్
ట్రాన్స్‌యూనియన్ సిబిల్ మేనేజింగ్ డైరెక్టర్ & సీఈఓ శ్రీ భవేష్ జైన్ మాట్లాడుతూ, “రుణ అక్షరాస్యత అనేది కేవలం అప్పు తీసుకోవడానికే పరిమితం కాదు, నేటి ఆర్థిక ప్రపంచంలో విశ్వసనీయతను, నమ్మకాన్ని పెంపొందించుకోవడానికి కూడా కీలకం.

డిసెంబర్ 2024 నాటికి 13 కోట్ల మంది తమ సిబిల్ రిపోర్ట్, స్కోర్‌ను చూసుకున్నారు. ఇది ప్రజల్లో క్రెడిట్ గురించి అవగాహన పెరుగుతున్న తీరును సూచిస్తోంది. ఈ భాగస్వామ్యం ద్వారా మేము మైక్రోఫైనాన్స్ సంస్థలు, వాటి కస్టమర్లకు క్రెడిట్‌పై అవగాహన కలిగించి, వారి ఆర్థిక భవిష్యత్తును మెరుగుపర్చుకోవడంలో తోడ్పడాలనుకుంటున్నాం” అని తెలిపారు.

గ్రామస్థాయి నుంచి అవగాహన: జీజీ మామ్మెన్
సా-ధన్ ఎగ్జిక్యూటివ్ డైరెక్టర్ & సీఈఓ శ్రీ జీజీ మామ్మెన్ మాట్లాడుతూ, “క్రెడిట్ గురించి గ్రామస్థాయి నుంచి అవగాహన కలిగించడం చాలా కీలకం. అప్పుడే నిజమైన, అర్థవంతమైన ఆర్థిక సమ్మిళితత్వం సాధ్యపడుతుంది. రుణం పాత్ర, జీవనోపాధి అవకాశాలను అందిపుచ్చుకోవడం లేదా మెరుగుపర్చుకోవడంలో దాని ఉపయోగం గురించి అర్థం చేసుకున్నాక, సంఘటిత ఆర్థిక వ్యవస్థలో వారు మరింత ఆత్మవిశ్వాసంతో పాలుపంచుకోగలరు.

ఈ భాగస్వామ్యం ద్వారా కీలకమైన సమాచారం నేరుగా అవసరమున్న వారికి చేరుతుంది” అని పేర్కొన్నారు. ఈ కార్యక్రమం ద్వారా ట్రాన్స్‌యూనియన్ సిబిల్ మరియు సా-ధన్ కలిసి ఒక పటిష్టమైన, సమాచార ఆధారిత మైక్రోఫైనాన్స్ వ్యవస్థను ఏర్పాటు చేయాలని లక్ష్యంగా పెట్టుకున్నాయి. ఇది సంస్థలు, వ్యక్తులు మరింత అవగాహనతో, ఆత్మవిశ్వాసంతో ఆర్థిక నిర్ణయాలు తీసుకునేందుకు తోడ్పడుతుంది.

MOST READ : 

1. TG News : తెలంగాణ క్యాబినెట్ లోకి ముగ్గురే.. వారు వేరే..!

2. New Scheme : మహిళలకు తీపి కబురు.. వారికోసం మరో కొత్త పథకం..!

3. Rythu Bharosa : రైతు భరోసా పై క్లిలక అప్డేట్.. మంత్రివర్గంలో ఏం చర్చించారు.. తుమ్మల క్లారిటీ..!

4. Gold Price : ఒక్కసారిగా భారీగా తగ్గిన బంగారం ధర.. ఈరోజు ధర ఎంతంటే..!

Tags:

BREAKING NEWS Business News CIBIL Telugu news

Our YouTube Channel