పురాణాలు చెబుతున్న గుడాకేశుడి గాథ.. రాగి పాత్రల వెనుక ఉన్న అసలు రహస్యం ఇదే..!
హిందూ ధర్మంలో ప్రతి సంప్రదాయం వెనుక ఒక లోతైన పరమార్థం దాగి ఉంటుంది. 'గుడాకేశుడు' అనే పదం ప్రధానంగా మహాభారత వీరుడు అర్జునుడికి వర్తిస్తుంది. అర్జునుడు పరమశివుడి కోసం ఘోర తపస్సు చేసిన సమయంలో తన నిద్రను అలసటను పూర్తిగా నియంత్రించుకున్నాడు.
పురాణాలు చెబుతున్న గుడాకేశుడి గాథ.. రాగి పాత్రల వెనుక ఉన్న అసలు రహస్యం ఇదే..!
మన సాక్షి, ఫీచర్స్ :
హిందూ ధర్మంలో ప్రతి సంప్రదాయం వెనుక ఒక లోతైన పరమార్థం దాగి ఉంటుంది. ‘గుడాకేశుడు’ అనే పదం ప్రధానంగా మహాభారత వీరుడు అర్జునుడికి వర్తిస్తుంది. అర్జునుడు పరమశివుడి కోసం ఘోర తపస్సు చేసిన సమయంలో తన నిద్రను అలసటను పూర్తిగా నియంత్రించుకున్నాడు. అర్జునుడి అచంచలమైన ఏకాగ్రతకు మెచ్చిన శివుడు అతడిని ‘గుడాకేశా’ (నిద్రను జయించినవాడు) అని సంబోధించాడు. కురుక్షేత్ర యుద్ధంలో శ్రీకృష్ణుడు అర్జునుడికి ఈ పేరుతోనే సంబోధిస్తూ అతడి అంతర్గత శక్తులను గుర్తు చేశాడు. అయితే ఈ పేరుకు దైవ కార్యాల్లో వాడే రాగి లోహంతో కూడా విడదీయలేని సంబంధం ఉంది.
రాక్షస భక్తుడు గుడాకేశుడి తపస్సు వరం
పురాణాల ప్రకారం గుడాకేశుడు అనే మరో రాక్షసుడు ఉండేవాడు. రాక్షస కులంలో పుట్టినా అతడు పరమ విష్ణు భక్తుడు. సుమారు 16 వేల ఏళ్ల పాటు కఠోర తపస్సు చేసి విష్ణుమూర్తి సన్నిధిలోనే శాశ్వతంగా ఉండిపోయే వరం కోరుకున్నాడు. ముఖ్యంగా విష్ణు చక్రం చేతిలోనే తనకు మరణం సంభవించాలని ఆకాంక్షించాడు. వైశాఖ శుద్ధ ద్వాదశి నాడు శ్రీమహావిష్ణువు తన సుదర్శన చక్రంతో గుడాకేశుని సంహరించాడు. ఆ సమయంలో అతడి శరీరం విడిపోయి విభిన్న లోహాలుగా మారింది. అతడి మాంసం ‘రాగి’గా, ఎముకలు ‘వెండి’గా శరీర మలినాలు ‘కంచు’గా రూపాంతరం చెందాయని పురాణ గాథలు వివరిస్తున్నాయి.
రాగి పాత్రలో నైవేద్యం వెనుక ఉన్న విశిష్టత
గుడాకేశుడి అంతిమ కోరిక మేరకు అతడి శరీరంతో ఏర్పడిన రాగి పాత్రలో నైవేద్యాన్ని స్వీకరించడం విష్ణుమూర్తికి అత్యంత ప్రీతికరంగా మారింది. ఆ రాగి పాత్రలోని నైవేద్యంలో ఎన్ని బియ్యపు గింజలు ఉంటాయో, అన్ని వేల సంవత్సరాల పాటు ఆ భక్తుడు వైకుంఠంలో నివసిస్తాడని ప్రతీతి. అందుకే నేటికీ పూజా కార్యక్రమాల్లో రాగి పాత్రలకు అగ్రతాంబూలం ఇస్తారు. ఆధ్యాత్మికంగానే కాకుండా జ్యోతిష్య శాస్త్ర రీత్యా కూడా రాగిని బుధ గ్రహానికి ప్రతీకగా భావిస్తారు. ఈ పాత్రలను వాడటం వల్ల సూర్య బుధ గ్రహ దోషాలు తొలగిపోతాయని భక్తుల విశ్వాసం.
By : Vishal, Sr. Journalist, Hyderabad
MOST READ :
- అలుపెరగని పోరాటంతో రాష్ట్రాన్ని తెచ్చిన పార్టీ బిఆర్ఎస్
- White Hair : తెల్లజుట్టు పీకేస్తే మరింత ఎక్కువ అవుతుందా? శాస్త్రీయ వాస్తవాలు, తీసుకోవాల్సిన జాగ్రత్తలు!
- Snakes : చూపు మందగించినా గురి తప్పని దాడి.. పాములకు ఆ అద్భుత శక్తులు ఏంటో తెలుసా..?
- Pink Coffee : పింక్ కాఫీ మహిళల పాలిట సంజీవని.. ఈ రంగు కాఫీలో దాగున్న ఆరోగ్య రహస్యాలు ఇవే..!
Our YouTube Channel
