Breaking News ఖమ్మం జిల్లా జిల్లా వార్తలు తెలంగాణ

వైకుంఠధామం బిల్లు ఇస్తారా.. చావమంటారా..!

ManaSakshi August 28, 2023

వైకుంఠధామం బిల్లు ఇస్తారా.. చావమంటారా..!

అదే వైకుంఠధామంలో కుటుంబంతో సహా ఆత్మహత్య చేసుకుంటాం

నేలకొండపల్లి, మన సాక్షి.

రెండేళ్ల క్రితం నిర్మించిన వైకుంఠదామం నిర్మాణం కు సంబంధించిన బిల్లు చెల్లించటం లేదని.. సదరు కాంట్రాక్టర్ పురుగుల మందు డబ్బా పట్టుకుని వైకుంఠదామం వద్ద నిరసన చేపట్టారు. వివరాలు ఇలా ఉన్నాయి. ఖమ్మం జిల్లా, నేలకొండపల్లి మండలం లోని గువ్వలగూడెం. గ్రామంలో ఈజీఎస్ నిధులు రూ.11.60 లక్షలతో వైకుంఠదామం ను రెండేళ్ల క్రితం నిర్మించారు.

ఆ సమయంలో రేకుల షెడ్ నిర్మాణం మంజూరు కాగా.. అప్పటి అధికారులు భవనం నిర్మించాలని కాంట్రాక్టర్ మన్నెపల్లి రవి ని అధికారుల ఒత్తిడి చేశారు. ఈ మేరకు భవనం ను నిర్మించారు. దీనికి గాను అదనంగా రూ.6 లక్షలు ఖర్చు చేశారు. కాగా ఇందుకు సంబంధించిన యం.బి.రికార్డులు కనిపించకపోవటంతో బిల్లు చెలింపులో జాప్యం జరిగింది.

ALSO READ :

అప్పటి నుంచి బిలు కోసం కార్యాలయంచుట్టూ తిరిగినా పట్టించుకోకపోవటంతో సోమవారం నిరసన వ్యక్తం చేశారు. వైకుంఠదామం వద్ద పురుగుల మందు డబ్బా పట్టుకుని ఆత్మహత్య చేసుకుంటానని కూర్చున్నారు. విషయం తెలిసిన సంబంధిత అధికారులు ఎంపీడీఓ కె. జమలారెడ్డి, మండల పంచాయతీ అధికారి శివ లు ఘటనా స్థలం కు చేరుకుని రవి తో చర్చించారు.

త్వరలోనే సమస్యను పరిష్కరిస్తానని హమీ ఇవ్వటంతో ఆందోళన విరమించారు. ఇది ఇలా ఉండగా ఈ సమస్య ను మరో 15 రోజుల్లో పరిష్కరించకుంటే కుటుంబం తో సహా అదే వైకుంఠదామం వద్ద ఆత్మహత్య చేసుకుంటామని బాధితుడు రవి తెలిపారు.

MOST READ :

Tags:

వైకుంఠధామం బిల్లు ఇస్తారా.. చావమంటారా..!

Our YouTube Channel