సూర్యాపేట : విద్యార్థులు ఉన్నత లక్ష్యాలను సాధించాలి

శ్రీ సాయి త్రివేణి డిగ్రీ పీజీ కాలేజ్ కరస్పాండెంట్ పెసర జనార్దన్ రెడ్డి

News By ManaSakshi Live On Aug 22, 2023

సూర్యాపేట : విద్యార్థులు ఉన్నత లక్ష్యాలను సాధించాలి

శ్రీ సాయి త్రివేణి డిగ్రీ పీజీ కాలేజ్ కరస్పాండెంట్ పెసర జనార్దన్ రెడ్డి

సూర్యాపేట, మనసాక్షి :

విద్యార్థులు ఉన్నత లక్ష్యాలను ఏర్పరచుకొని వాటిని సాధించేలా కష్టపడి చదవాలని శ్రీ సాయి త్రివేణి డిగ్రీ పీజీ కాలేజ్ కరస్పాండెంట్ పెసర జనార్దన్ రెడ్డి అన్నారు. మంగళవారం జిల్లా కేంద్రంలోని శ్రీ సాయి త్రివేణి డిగ్రీ పీజీ కాలేజీలో ఇటీవల విడుదలైన మహాత్మా గాంధీ యూనివర్సిటీ డిగ్రీ ఫలితాల్లో కళాశాలకు చెందిన గుణగంటి ఉమా ఎంపీసీఎస్ సెకండ్ ఇయర్, వీరబోయిన మహేష్ ఎంపీసీ థర్డ్ ఇయర్ పదికి పది జిపిఏ మార్కులు సాధించగా వారిని సన్మానించి మాట్లాడారు.

విద్యార్థులు తల్లిదండ్రుల ఆశయాలను సాధించేలా జీవితాలను ఉన్నతంగా తీర్చిదిద్దుకోవాలన్నారు. విద్యార్థులు సమాజాభివృద్ధికి తోడ్పడడంతో పాటు చెడు అలవాట్లకు దూరంగా ఉండాలన్నారు .శ్రీ సాయి త్రివేణి డిగ్రీ పీజీ కాలేజ్ విద్యార్థులు సూర్యాపేట జిల్లాకు రాష్ట్రస్థాయిలో గుర్తింపు తేవాలని సూచించారు. ఈ సందర్భంగా కళాశాల ప్రిన్సిపల్ తన్నీరు ఉపేందర్ మాట్లాడుతూ విద్యార్థులు విజయం సాధించేందుకు విజేతలను స్ఫూర్తిగా తీసుకోవాలని సూచించారు .

ALSO READ :

గత కొన్ని సంవత్సరాలుగా శ్రీ సాయి త్రివేణి డిగ్రీ పీజీ కాలేజ్ అనేక ర్యాంకులను సాధించడంతోపాటు రాష్ట్ర స్థాయిలోనే ప్రత్యేకమైన గుర్తింపు సాధించుకుందన్నారు. విద్యార్థులు ఉపాధ్యాయుల సూచనలు వింటూ మరిన్ని ర్యాంకులు వచ్చేలా కష్టపడి చదవాలని తెలిపారు. కళాశాల డైరెక్టర్ అనిల్ కుమార్, అధ్యాపకులు శీను, రవళి, సంతోషి, నాగలింగం, ఎం శ్రీను ,సతీష్, వెంకట్ రెడ్డి, శ్రీనివాస్ రెడ్డి ,ఎండి హుస్సేన్, వీరన్న, నాగేశ్వరరావు, కృష్ణమూర్తి పాల్గొన్నారు.